မြန်မာ့ သမိုင်း တကွေ့ မှ ပထမ ဆုံး လေကြောင်း တိုက်ပွဲ

မြန်မာ့ တပ်မတော် (လေ) တွင် အသုံး ပြု ခဲ့သည့် ဆီးဖြူရီ (Sea Furies) တိုက် လေယာဉ် တစီး

မြန်မာ့ တပ်မတော် (လေ) ကို စတင် တည်ထောင် ဖွဲ့စည်း ခဲ့ချိန် မှ စတင် ရေတွက်သော် ( ၁၄ ) နှစ် အကြာ၊ (၁၉၆၁) ခုနှစ်၊ ဖေဖော်ဝါရီ လ (၁၅) ရက်၊ ဗုဒ္ဓဟူး နေ့။ တိတိ ကျကျ ဆိုရ ပါလျှင် တပ်မတော် (လေ) ၏ သက်တမ်း (၁၄) နှစ် နှင့် (၃၀) ရက် ပြည့်မြောက် သည့် နေ့ရက် ၏ နံနက်ခင်း အချိန်။ သည်လို တပေါင်း လဆန်း ကာလ တွင် မိခင် လေတပ် စခန်း ဌာနချုပ် တည် ရှိရာ မှော်ဘီ လေတပ် စခန်း တွင်တော့ ဆောင်း ရာသီ ၏ အရသာ ပျောက် ဆုံး လောက် ပြီ ဖြစ်သော်လည်း မြန်မာ ပြည် အရှေ့ပိုင်း မှ ကျိုင်းတုံ မြို့လေး တည်ရာ ရှမ်း ကုန်း ပြင်မြင့် ထက် တွင် တော့ ဆောင်း၏ အငွေ့ အသက် များ က မပျောက်ပျယ် သေး ပါချေ။ ဒယ်အိုး သဖွယ် တောင် ပတ် လည် ဝန်းရံ ထားသော ကျိုင်းတုံ မြို့ ၏ ရာသီ ဥတု မှာ နေချင့် စဖွယ် နွေးထွေး လျက် နေ့ လည်ခင်း နာရီ ပြန် (၂) ချက်တီး သည့် တိုင် ခါတိုင်း နေ့ရက် များ လိုပင် အေးဆေး ငြိမ်သက် လို့ နေခဲ့ သည်။

ထိုခေတ် ထို ကာလ ၌ ကျိုင်းတုံ လေတပ် ဆွယ် သို့ ရောက်လာ ကြ သည့် လေ သူရဲများ အတွက် တည်းခို ရာ နေရာ ဖြစ်သည့် ကျိုင်းတုံ လေယာဉ် ကွင်း အနီး ရှိ ခြေလျင် တပ်ရင်း ၏ အရာရှိ ရိပ်သာ အတွင်း တွင် တပ်မတော် (လေ) မှ လေ သူရဲ နှစ်ဦး ဖြစ်ကြ သည့် ဗိုလ် ချစ်ခိုင် (လေ / ၁၂၁၆) နှင့် ဒုဗိုလ် ပီတာ (လေ / ၁၂၉၂) တို့ နှစ်ဦး မှာ နေ့လည်စာ ထမင်း စားပြီး ချိန် ကတည်း က စစ်တုရင် ကို သဲကြီး မဲကြီး ထိုးနေ ကြ သည်။ သူတို့ နှစ်ဦး နှင့် မလှမ်း မကမ်း ရှိ ပက်လက် ကုလား ထိုင် ထက်တွင် လည်း မျက်နှာ ပေါ်တွင် စာအုပ် တအုပ် ကိုတင်လျက် အိပ်မော ကျနေသူ တဦး ကို တွေ့မြင် ရပေ သည်။ ထိုသူ သည်ကား အမှတ် (၂) အုပ်မှ လေသူရဲ ဗိုလ်ကြီး ခင်မောင်မြင့် ပေတည်း။ စစ်တုရင် ကစား နေသည့် လေသူရဲ ဗိုလ် ချစ်ခိုင် နှင့် ဒုဗိုလ် ပီတာ တို့ မှာ ဆီးဖြူရီ အမျိုး အစား တိုက် လေယာဉ် မောင်းများ ဖြစ်ကြ ပြီး ဗိုလ်ကြီး ခင်မောင်မြင့် မှာ ဒါကိုတာ အမျိုးအစား လေယာဉ် ကို မောင်းနှင် သူ ဖြစ် လေသည်။ တပ်ပိတ် ရက် လည်း မဟုတ်၊ ရုံးဆင်း ချိန် လည်း မဟုတ် သည့် သည်လို အချိန်မျိုး တွင် အေးအေး လူလူ ရှိနေသည့် သူတို့ သုံးဦး အား အပြစ်တင် မည် ဆိုပါက တက်တက် စင်အောင် မှားချေ ရော့ မည် တည်း။ သေချာစွာ ကြည့်မည် ဆိုပါက သူတို့ သုံးဦး စလုံး ၏ ခန္ဓာ ကိုယ် ထက် တွင် လေယာဉ် မောင်း ဝတ်စုံ ပြာ များကို အရေးကြီး စစ်ဆင်ရေး တာဝန် ပေါ်ပေါက် လာလျှင် အဆင်သင့် ဖြစ်အောင် ဝတ်ဆင် ထားကြ ခြင်း ကို မလွဲ ဧကန် မြင်ရ ပေလိမ့် မည်။

ဒုဗိုလ် ပီတာ မောင်းနှင် ခဲ့သော UB-466 လေယာဉ် (လေကြောင်း တိုက်ပွဲ မဖြစ်မီက)

သူတို့ သုံးဦး စလုံး သည် ဤ ကျိုင်းတုံ လေယာဉ်ကွင်း သို့ ရောက်ရှိ နေသည် မှာ (၉) ရက် မျှသာ လျှင် ရှိသေး သည်။ သူတို့ တာဝန် ထမ်းဆောင် သည့် အမှတ် (၁) တိုက် လေယာဉ် အုပ် သည် ဇန်နဝါရီ လ (၄) ရက် ကတည်း က စတင် ၍ ရန်သူ တရုတ် ဖြူ စခန်း များသို့ အကြိမ် ပေါင်း မြောက်မြား စွာ လေကြောင်း မှ သွားရောက် တိုက်ခိုက် ခဲ့ကြ သည်။ အဓိက အားဖြင့် မြေပြင် ရှိ ရန်သူ အခိုင် အမာ တပ်စွဲ ထားရာ စခန်း များ သို့ ဝေဟင် မှ ပစ်ခတ် တိုက်ခိုက် ခြင်း တာဝန် ကို ယူခဲ့ ကြ ရသည်။ စစ်ဆင်ရေး စတင် ခဲ့ ချိန် တွင် အမှတ် (၁) တိုက် လေယာဉ် အုပ် ၏ တပ်စွဲ ထားရာ နေရာ မှာ နမ့်ဆန် လေယာဉ် ကွင်း တွင် ဖြစ်ပြီး ရန်သူ များ နယ်စပ် သို့ ဆုတ်ခွာ သွားနေပြီ ဖြစ်သဖြင့် ရန်သူ များ တည်ရှိရာ နယ်စပ် နှင့် ပိုမို နီးစပ် သော ကျိုင်းတုံ မြို့သို့ ဖေဖော် ဝါရီ လ (၂) ရက် နေ့ တွင် လေ တပ်ဆွယ် တခုလုံး ပြောင်းရွေ့ ရောက်ရှိ လာခဲ့ ကြခြင်း ပင်။

စစ်တုရင် ကစား နေသည့် လေသူရဲ နှစ်ဦး မှာ ရိပ်သာ ရှေ့ သို့ ဂျစ်ကား တစီး ဖြင့် ရောက်လာ သည့် အမှတ် (၁) အုပ်မှ လေသူရဲ ဗိုလ် စံမြင့် ကြောင့် သူ တို့ ၏ ကစားပွဲ ကို ရပ်နား လိုက်ကြ ကာ ဂျစ်ကား ပေါ်သို့ အလျင် အမြန် တက်ရင်း ဗိုလ်စံမြင့် ခေါ်ဆောင် ရာ လေယာဉ် ကွင်း ဆီသို့ အတွေး ကိုယ်စီ ဖြင့် လိုက်ပါ လာခဲ့ ကြ လေသည်။ ဗိုလ်စံမြင့် သည်လည်း ဗိုလ် ချစ်ခိုင်၊ ဗိုလ် ပီတာ တို့ ကဲ့သို့ တိုက် လေယာဉ် မောင်းနှင် ရသူ လေ သူရဲ တဦး ဖြစ် သော်လည်း ကျိုင်းတုံ တပ်ဆွယ် ၌ အပေါ့ စား ခရီးသည် တင် လေယာဉ် (ဆက်စနာ) လေယာဉ် မောင်းနှင် မည့်သူ မရှိ ခြင်း ကြောင့် အာဂန္တု စက်စနာ လေယာဉ် မှူး ကလေး ဖြစ်နေ ရရှာသူ ပင် တည်း။ ဆောင်း အကုန် နွေ အကူး ကာလ မို့ ဖုန် အလူးလူး ထ နေသည့် ရိပ်သာ နှင့် လေယာဉ် ကွင်း ကို ဆက်သွယ် ဖောက်လုပ် ထားရာ မြေနီ လမ်း ကလေး ထက်တွင် ဂျစ်ကား ကလေး သည် ခုန်ပေါက် မောင်းနှင် ရင်း ကျိုင်းတုံ လေယာဉ် ကွင်း ဆီသို့ သူတို့ ရောက်ခဲ့ ပြန် လေပြီ။

လေဆိပ် အဆောက် အအုံ ရှေ့တွင် တော့ ဆီဖြူရီ တိုက် လေယာဉ် သုံးစီး က တိုက်ပွဲ ဝင်ရန် အသင့် အနေ အထား ဖြင့် လက်နက် အစုံ အလင် တပ်ဆင် ကာ သူ တို့အား စောင့်ကြို လျက် နေပေ ပြီ။ အမှတ် (၅၀၁) လေတပ် စခန်း ၏ တပ်မှူး တာဝန် နှင့် အမှတ် (၁) တိုက် လေယာဉ် အုပ် ၏ အုပ်မှူး တာဝန် တို့ကို ပူးတွဲ တာဝန် ယူထား သည့် ဗိုလ်မှူး တင်မောင်အေး ကိုလည်း တိုက် လေယာဉ် တစီး ၏ နံဘေး တွင် ဗိုလ် မောင်သိန်း (လေ/၁၂၀၁) နှင့် အတူ ရပ်နေ သည်ကို တွေ့ လိုက်ရ သည်။ စစ်ဆင် ရေး ဝတ်စုံ ကို အသင့် ဝတ်ထား သည့် ဗိုလ် မောင်သိန်း ၏ လက်ထဲ တွင်တော့ လေကြောင်း သုံး မြေပုံ တချပ်။ ယနေ့ နံနက် (၀၉း၀၀) နာရီ အချိန့်ခန့် ကပင် ဗိုလ်မှူး တင်မောင်အေး နှင့် ဗိုလ် မောင်သိန်း တို့ နှစ်ဦးသား ကျိုင်းတုံ လေယာဉ် ကွင်း မှ နေ၍ တာချီလိတ် သို့ ဆက်စနာ လေယာဉ် တစီး ဖြင့် ထွက်သွား ခဲ့ကြ သည်။ တာချီလိတ် လေယာဉ် ကွင်း အတွင်း ၌ ခေတ္တ ဆင်း ကာ တာချီလိတ် တွင် တပ်စွဲ ထားသော ခြေလျင် တပ်ရင်း မှ တပ်ရင်းမှူး ကို ခေါ်ဆောင်ပြီး တာချီလိတ် မြို့ နှင့် မနီး မဝေး အရပ်မှ ရန်သူ့ မြေပြင် စခန်း များကို ကောင်းကင် ယံ မှ ကင်းထောက် ပျံသန်း ခဲ့ကြ သည်။ ယခု နေမွန်း တိမ်းချိန် တွင် ကျိုင်းတုံ သို့ ပြန်ရောက် လာပြီး သူ တို့ကို ခေါ်သည် ဆိုတော့ တခုခု တော့ အကြောင်း ထူး ရှိပေ လိမ့်မည်။ သေချာ သည်က သူတို့ ယခု တိုက်ပွဲ ဝင်ရမည် ဆိုသည် သာ တည်း။ ဗိုလ် မောင်သိန်း၊ ဗိုလ် ချစ်ခိုင်၊ ဒုဗိုလ် ပီတာ တို့ (၃) ဦး ကို ဗိုလ်မှူး တင်မောင်အေး က သူတို့ ထမ်းဆောင် ရမည့် တာဝန် ကို အကျဉ်း ချုပ် ရှင်းပြ သည်ကား ဤသို့ တည်း။

ဖြစ်စဉ် အဖွင့်

မနက်ခင်း က ဗိုလ်မှူး တင်မောင်အေး နှင့် ဗိုလ် မောင်သိန်း တို့ နှစ်ဦး ကင်းထောက် ပျံသန်း နေစဉ် ရန်သူ တရုတ် ဖြူ တပ်များ တပ်စွဲ ထားရာ တာချီလိတ် အ နောက် တောင်ဘက် မလှမ်း မကမ်း တွင် ရှိသော ၀မ်းပန်ဆန်း ဒေသ ကောင်းကင် တွင် ကင်းထောက် ပျံသန်း နေစဉ် မြေပြင် ရှိ တရုတ် ဖြူ တပ် စခန်းမှ DZ  (DroppingZone = ဝေဟင် ပစ္စည်း ချရန် အမှတ် အသား) အချက် ပြ နေသည် ကို တွေ့ရှိ ခဲ့ရ သည်။ ယခင် ခါတိုင်း နေ့ များ ကလည်း ပစ္စည်း ချပေး ခဲ့ပြီး ယနေ့ တွင် လည်း ပစ္စည်း ချရန် အစီစဉ် ရှိ ၍သာ DZ အမှတ် အသား ခင်းထား ခြင်း ဖြစ်ကြောင်း ဗိုလ်မှူး သူရ တင်မောင်အေး မှ သုံးသပ် လိုက်ပြီး ကျိုင်းတုံ သို့ အမြန် ပြန် ခဲ့သည်။ ခြေလျင် တပ်များ ထံမှလည်း မကြာ ခဏ ဆိုသလို ပင် မြန်မာ ပြည် နယ်နိမိတ် အတွင်းသို့ ဖြတ်ကျော် ပျံသန်း လာသည့် ရန်သူ့ လေယာဉ် သတင်း များ ပေးပို့မှု ကို လက်ခံ ရရှိ ထား သဖြင့် ယခု မြင်တွေ့ လိုက်ရ သည့် DZ အမှတ် အသား အရ ရန်သူ့ လေယာဉ် အနည်းဆုံး တစီး သည် ယနေ့ တွင် မြန်မာ့ ဝေဟင် ပိုင်နက် ဆီသို့ ဝင်ရောက် လာမည်မှာ မလွဲ ဧကန်။ မကြာ သေး ခင် ကာလ များ ဆီ ကလည်း ဗိုလ်မောင်သိန်း နှင့် ဗိုလ်ချစ်ခိုင် တို့ နမ့်ဆန် တပ်ဆွယ် မှ နေ၍ ကျိုင်းတုံ သို့ ခေတ္တ ရောက်စဉ် တွင် မဲခေါင် စစ်ဆင် ရေးမှူး ဗိုလ်မှူးကြီး ထွန်းစိန် က ရန်သူ့ လေယာဉ် များ ဝင်ရောက် နေသည့် သတင်း ကို ထပ်မံ အတည် ပြု ခဲ့ သဖြင့် ယနေ့ ဖေဖော်ဝါရီ လ (၁၅) ရက် တွင် ရန်သူ့ လေယာဉ် ဝင်ရောက် မည်မှာ သေချာ နေ ပေပြီ။

ဖြစ်စဉ်

သုံးသပ်ချက် များ အရ ရန်သူ့ လေယာဉ်ပျံ ဝင်ရောက် မည် မှာ သေချာ နေပြီ မို့ ဆီးဖြူရီ လေယာဉ် အမှတ် (UB 464) မောင်းနှင် သော ဗိုလ် မောင်သိန်း ခေါင်း ဆောင်ပြီး (UB 466) မောင်း နှင်သော ဒုတိယ ဗိုလ် ပီတာ နှင့် (UB 465) မောင်းနှင် သော ဗိုလ် ချစ်ခိုင် တို့ပါဝင် သည့် ဆီးဖြူရီ တိုက် လေယာဉ် (၃) စီးပါ အုပ် အား DZ တွေ့ရှိ ခဲ့ရသော နယ်မြေ သို့ စေလွတ် ခဲ့သည်။ ဗိုလ်မှူး သူရ တင်မောင်အေး သည် သူ ကိုယ်တိုင် လိုက်ပါရန် ဖြစ်သော်လည်း သူဆောင်း နေကျ လေ သူရဲ ဦးထုပ် တပ်မဟာ ရုံး တွင် ကျန်ရစ် ခဲ့သဖြင့် သွားယူ နေလျှင် နောက်ကျ မည် ဖြစ်သဖြင့် ဗိုလ် မောင်သိန်း အား ခေါင်းဆောင် စေကာ စေလွှတ် လိုက်ခြင်း ဖြစ်သည်။ ဒါကိုတာ လေယာဉ် ကဲ့သို့ ပြန်လည် ရန် ပြုတိုက် ခိုက်နိုင် ခြင်း မရှိသည့် သယ်ယူ ပို့ဆောင်ရေး လေယာဉ် ဖြစ်နေလျှင် ထို လေယာဉ် အား ဝဲယာ တဖက် တချက် မှ ညှပ်ကာ ခြောက်လှန့် ပျံသန်း ပြီး ကျိုင်းတုံ လေယာဉ် ကွင်း သို့ ဖမ်းဆီး ခေါ်ဆောင် လာရန် နှင့် တိုက်ခိုက်ရေး လေယာဉ် နှင့် ဗုံးကြဲ လေယာဉ် များ ဖြစ်နေပါက အပြီး အပိုင် ပစ်ခတ် ချေမှုန်း ခဲ့ ရန် အတွက် အမိန့် ပေး လိုက် လေသည်။

အချိန် အနည်းငယ် အတွင်း မှာ ပင် ဗိုလ် မောင်သိန်း ဦးဆောင် သည့် တိုက် လေယာဉ် သုံးစီး သည် ကျိုင်းတုံ မြို့ ကောင်းကင် ယံထက် ဆီ သို့ ပျံတက် သွားကြ လေပြီ။ အချိန် က ညနေ (၁၅း၁၅) နာရီ အတိ။ ကျိုင်းတုံ မြို့ပတ်ဝန်းကျင် ကောင်းကင် ထက်တွင် တိမ်ကင်းရှင်း လျက် ရာသီ ဥတု သာယာ နေ သော်လည်း ရိတ်သိမ်း ပြီးစ တောင်ယာ များ မှ ယာ အကြွင်း အကျန် များ မီးရှို့ ပြီးစ အချိန် ဖြစ်နေ ခြင်း ကြောင့် လေထု ပတ်ဝန်းကျင် မှာ မီး ခိုးရိပ် များနှင့် ပြည့်လျက် Hazy Weather ခေါ် မြင်ကွင်း မကောင်း လှသည့် အခြေ အနေ ဖြစ်နေ သည်။ ထို့ကြောင့် လည်း မြင်ကွင်း ရှင်းလင်း သည့် ပေ ခုနစ်ထောင် အထက် ထိ ရောက်အောင် ပျံသန်း ရင်း လွယ်မွေ တောင်တန်း ကြီး ကို ကျော်ဖြတ်ကာ တာချီလိတ် မြို့ပေါ်သို့ တိုက် လေယာဉ် သုံးစီး ရောက်ရှိ ခဲ့လေ ပြီ။ ကျိုင်းတုံ မှ စတင် ထွက်ခွာ ခဲ့ပြီး ဆယ့် ငါးမိနစ် မျှ အကြာ တွင် ရန်သူ့ စခန်း တည်ရှိ ရာ ဝမ်ပန်ဆန်း ရွာ အထက် ဝေဟင် ယံထက် သို့ ရောက်ခဲ့ ကြပြီ။

ဝမ်ပန်းဆန်း ရွာ အထက် ကောင်းကင် ယံ တွင် နာရီဝက် ကျော်မျှ ကြာအောင် ပျံဝဲ နေကြ ရင်း ညနေ (၁၆း၀၅) နာရီ တွင်တော့ အရှေ့ အရပ် ဆီမှ အင်ဂျင် လေးလုံး တပ် အစိမ်းပုတ် ရောင် လေယာဉ် ပျံကြီး တစီး သည် ဝမ်ပန်ဆန်း ရွာ ထက် ဆီသို့ ဦးတည် ပျံသန်း လာနေ သည် ကို ဗိုလ် ပီတာ စတင် တွေ့မြင် လိုက် ရပြီး အုပ် ခေါင်းဆောင် ဗိုလ် မောင်သိန်း ထံသို့ ရေဒီယို ဆက်သွယ်ရေး စက်မှ တဆင့် သတင်း ပို့ လိုက်တော့ သည်။ စောင့် ရကျိုး နပ် လေပြီ။

ဗိုလ် ပီတာ ထံမှ သတင်း ပေးပို့ ချက်ကို ရရှိ သည် နှင့် ဗိုလ် မောင်သိန်း ၏ မျက်လုံး များက ကျူးကျော် ဝင်ရောက် လာသည့် ရန်သူ့ လေယာဉ် ကို အလျင် အမြန် ရှာဖွေ နေမိ သည်။ စက္ကန့် ပိုင်း အတွင်း မှာ ပင်လျှင် ရန်သူ့ လေယာဉ် ကို ရှာဖွေ တွေ့ရှိ လိုက် သည်။ ဗိုလ် ချစ်ခိုင် သည် ဝင်ရောက် လာနေ သည့် လေယာဉ် ၏ အမျိုး အစား ကို သေချာ တိကျစွာ မသိ ချေ။ ထို့ကြောင့် အုပ် ခေါင်းဆောင် ဗိုလ် မောင်သိန်း ထံသို့ ရေဒီယို ဆက်သွယ် ရေး မှ တဆင့် လေယာဉ် ၏ အမျိုးအစား ကို လှမ်းမေး ပြန်တော့ ဗိုလ်မောင်သိန်း လည်း ထို လေယာဉ်ကြီး ၏ အမျိုး အမည် ကို သေချာ စွာ မသိ။ လေတပ် ရဲညွန့် အဖြစ် အင်္ဂလန် နိုင်ငံ တွင် ပညာတော် သင် သွားရောက် ခဲ့သည့် အင်္ဂလန် ပြန် ဗိုလ် ပီတာ ကို လှမ်း မေးပြန် တော့ လည်း ဘာမှ မထူး။ သူတို့ အတွက် ဤ လေယာဉ် ၏ အမျိုး အစား ကို အဘယ် ကြောင့် ဤမျှ အထိ သိလို စိတ် ပြင်းပြ နေရ ပါ သနည်း။ အဖြေ ကတော့ ရှင်း ပါသည်။ ယခု ကျူးကျော် လာသော လေယာဉ် သည် သယ်ယူ ပို့ဆောင် ရေး လေယာဉ် သာ ဖြစ်ငြား အံ့။ ဗိုလ်မှူး ခင်မောင်အေး မိန့်မှာ လိုက်သည့် အတိုင်း ကျိုင်းတုံ လေဆိပ် အထိ ထို လေယာဉ် ပျံ ကို ဖမ်းခေါ် သွားရ ပေလိမ့် မည်။ အကယ် ၍ ဗုံးကြဲ လေယာဉ် ဖြစ်နေ လျှင် လည်း နိုင်ငံ ပိုင်နက် ဝေဟင် ထဲတွင် အပြီးသတ် ချေမှုန်း ရပေ လိမ့်မည်။ (တိုက်ပွဲ ပြီးဆုံး ချိန် တွင် သိရ သည် မှာ ထို လေယာဉ် သည် B 24 Liberator Y2 အမျိုး အစား ဗုံးကြဲ လေယာဉ်ကြီး ဖြစ်လေ သည်။အချို့ စာစောင် များ ၌ P4 Y2 Privateer လေယာဉ် ဟု ရေးသား ထားသည် ကိုလည်း တွေ့ရှိ ရသည်။ မည်သည် က အမှန် ဟူ၍ မသိ ပါ။) ရန်သူ့ လေယာဉ် ကြီး ပုံသဏ္ဍာန် မှာ High Wings Single Fan with Defensive Armament ဖြစ် သည်။ လေယာဉ်ကြီး တွင် ဒဿမ ၅၀ ကျည်သုံး စက် သေနတ် ကြီး (ပွိုင့်ဖိုက်) ၁၂ လက် ကို တပ်ဆင် ထားကြောင်း သိ ရသည်။

လေသူရဲ (၃) ဦး စလုံး လေယာဉ် အသီးသီး ပေါ်တွင် ထို လေယာဉ်ကြီး ၏ အမျိုး အစား ကို ကိုယ်စီ ကိုယ်ငှ ဝေခွဲ မရ ဖြစ်နေကြ ချိန် တွင် ရန်သူ့ လေယာဉ် ကိုယ်ထည် အလယ် ထိပ် တွင် တပ်ဆင် ထားသည့် စက် သေနတ် ကြောင့် ဗုံးကြဲ လေယာဉ် ကြီး ပင် ဖြစ်ကြောင်း ဗိုလ် ပီတာ ဦးစွာ ပထမ မြင်တွေ့ လိုက်ရပြီး အုပ် ခေါင်းဆောင် ဗိုလ် မောင်သိန်း ထံသို့ အလျင် အမြန် သတင်း ပို့ လိုက်သည်။ ဗိုလ် မောင်သိန်း တယောက် မြင်ကွင်း အတွင်း မှ လေယာဉ် ထံ သို့ အဖမ်း ခံရန် အတွက် ရေဒီယို ဆက်သွယ် ရေး စက်မှ တဆင့် အကြောင်း ကြား ရာ မလိုက်နာ သည့် အတွက် အတူ အုပ်စု ဖွဲ့ ပျံသန်း နေသည့် လေ သူရဲ ဗိုလ် မောင်သိန်း နှင့် ဗိုလ် ပီတာ တို့ ထံသို့ ရန်သူ့ လေယာဉ် အား ပစ်ခတ် ချေမှုန်း ရန် အမိန့် ပေး လိုက်တော့ သည်။ ဗိုလ် မောင်သိန်း တို့ နေရာ ယူထား သည် က အမြင့်ပေ ခုနစ် ထောင် တွင် ဖြစ်ပြီး တဖက် မှ ရန်သူ့ လေယာဉ် ကြီး မှာ ပေ ငါးထောင် အမြင့် တွင် ဖြစ်နေ သဖြင့် ဗိုလ် မောင်သိန်း တို့ ဖက်မှ အသာစီး ရနေ ပေသည်။ ပထမ ဦးဆုံး ဗိုလ် မောင်သိန်း ၏ တိုက် လေယာဉ် ထိုးဆင်း သွားပြီး လေယာဉ် တွင် တပ်ဆင် ထားသည့် ၂၀ မီလီ မီတာ Hispano စက် သေနတ် ဖြင့် ရန်သူ့ လေယာဉ် ၏ ဘယ်ဘက် အင်ဂျင် နှစ်လုံးကို စတင် ကာ ပစ်ခတ် ခြင်းဖြင့် မြန်မာ့ တပ်မတော် (လေ) ၏ ပထမ ဦးဆုံး သော လေကြောင်း စီးချင်း ထိုးမှု သမိုင်း ကို စတင် ဖွင့်လှစ် လိုက်တော့ သည်။

Hispano နှင့် ပတ်သက် ၍ ဗဟုသုတ အနေ ဖြင့် ဆိုရသော် ၄င်းမှာ စက်သေနတ် လည်း မက၊ အမြှောက် လည်း မကျ သည့် စက် အမြှောက် ဟု ပင် ဆိုရ ချိမ့် မည်။ သာမန် စက် သေနတ် များ ကဲ့သို့ ရိုးရိုး ဖောက်ထွင်း ကျည်များ သာမက တဆင့် ထပ်မံ ပေါက်ကွဲ စေသည့် ကျည်များ လည်း ပါဝင် သဖြင့် ထို လက်နက် ကို စက် အမြှောက် ဟု ခေါ်ခြင်း ပင်။ ထိုသို့ သော ဟစ္စ ပါနို စက် အမြှောက် များ သည် ဆီဖြူရီ လေယာဉ် တောင်ပံ တဖက် လျှင် နှစ်လက် နှုန်း ဖြင့် လေယာဉ် တစီး တွင် လေး လက်စီ တပ်ဆင် ထားလေ သည်။ ပစ်ခတ်မှု ကို လျှပ်စစ် ဓာတ်အား ဖြင့် ထိန်းချုပ် ထားပြီး စက် သေနတ် တလက် လျှင် ကျည်ဆန် အရေ အတွက် (၁၂၅) တောင့် ပါရှိ လေ သည်။ ကျည်ဆန် သုံးတောင့် (သို့တည်း မဟုတ်) ငါးတောင့် ပစ်ခတ် ပြီးသည် နှင့် မီး လမ်းပြ ကျည် (Tracer) တတောင့် နှုန်း ထွက် စေရန် စီမံ ထား သဖြင့် လေ သူရဲ အနေ ဖြင့် ကျည်သွား လမ်းကြောင်း ကို ကောင်း မွန်စွာ မြင်တွေ့ နိုင်လေ သည်။

ဗိုလ်မောင်သိန်း တယောက် ရန်သူ့ လေယာဉ် နှင့် တိုက်မိ လု နီးပါး အကွာ အဝေး သို့ ချဉ်းကပ် မိသည် အထိ တရစပ် ပစ်ခတ် တိုက်ခိုက် သော်လည်း လေယာဉ် ၏ အမြန် နှုန်း ကြောင့် ပစ်ခတ်ခွင့် ရသည့် အချိန် မှာ လေး စက္ကန့် ထက် ပင် မပို ပါချေ။ ဗိုလ် မောင်သိန်း လေယာဉ် ပြီး သည် နှင့် ဗိုလ်ပီတာ အလှည့် သို့ ရောက် လာသည်။ ဗိုလ် ပီတာ လည်း သူ့ လေယာဉ် မှ ဟစ္စပါနို သေနတ် ဖြင့် ဆက်တိုက် ဆိုသလို ပင် ဝင်ရောက် ပစ်ခတ် တော့ သည်။ သူ၏ ပစ်ခတ် ခွင့် ရချိန် မှာလည်း ဗိုလ် မောင်သိန်း ကဲ့သို့ ပင်။ ထူးခြား ချက် အနေ နှင့် ဗိုလ်မောင်သိန်း လေယာဉ် ဝင် အပစ် နှင့် ရှေ့ဆင့် နောက်ဆင့် တွင် ရန်သူ့ လေယာဉ် မှ အထုပ် နှစ်ထုပ် ပြုတ်ကျ သွားသည် ကို တွေ့မြင် လိုက်ရ သည်။ မြေပြင် ရှိ တရုတ် ဖြူ စခန်း သို့ ချပေး ရန် အတွက် ယူဆောင် ခဲ့သည့် လက်နက် ပစ္စည်း (သို့မဟုတ်) ရိက္ခာ ထုပ်များ ပင် ဖြစ်ချေ လိမ့် မည်။ ဗိုလ် ပီတာ လေယာဉ် တိုက်ခိုက် မှု မစတင် မီ တွင်လည်း လေထီး ဖြင့် ရိက္ခာ ချသော တံခါး ပေါက် ဆီမှ လူ နှစ်ယောက် လေထီး အစိမ်း ရောင် များ ဖြင့် ခုန်ဆင်း သွားသည် ကို မြင်တွေ့ လိုက် ရသည်။ ဗိုလ် ပီတာ ၏ လေယာဉ် ထံမှ ပစ်ခတ်မှု ပြီးဆုံး ၍ တကျော့ ပြန်လည် မဝင် လာမီတွင် ဗိုလ်ချစ်ခိုင် ၏ လေယာဉ် လည်း ထိုးစိုက် ဝင်လာ နေပေ ပြီ။ သည် တချီ တွင်တော့ ရန်သူ့ လေယာဉ် ထံမှ တုံ့ပြန် ပစ်ခတ် သည့် ကျည်ဆံ များ က ဗိုလ်ချစ်ခိုင် ၏ လေယာဉ် အမိုး ကို ချိန်သား မမှန်စွာ ဖြင့် ဖြတ်ကျော် သွားကြ သည်။ ဗိုလ် ချစ်ခိုင် ပစ်ခတ် လိုက်သည့် ကျည်ဆန် များ ကမူ ရန်သူ့ လေယာဉ် အင်ဂျင်ခန်း အောက် ကိုယ် ထည် ပိုင်း ဆီသို့ တည့်မတ်စွာ ပြေးဝင် သွားကြောင်း ကို မီးလမ်းပြ ကျည် (Tracer Bullet) များ ကြောင့် သိလိုက် ရသည်။ အပြီး သတ် ချေမှုန်း တော့မည့် အန္တရာယ် ကို ရိပ်စား မိသည့် တဖက် ရန်သူ့ လေယာဉ်မှူး မှာ လည်း သူ၏ လေယာဉ် ကို ၁၈၀ ဒီဂရီ လှည့် လျက် အိမ်နီးချင်း တဖက် နိုင်ငံ နယ်နိမိတ် ဆီ သို့ ဦးတည် ပျံသန်း ရန် အားထုတ် လေတော့ သည်။ ထို သို့ လေယာဉ် ကို တပတ် ပြန်လှည့် နေစဉ် မှာပင် ဗိုလ်မောင်သိန်း ၏ လေယာဉ် က ဒုတိယ အကြော့ အနေ ဖြင့် ထပ်မံ ထိုးနှက် တိုက်ခိုက် ပြန်၏။ ဗိုလ်မောင်သိန်း ၏ ပစ်ခတ်မှု အပြီး တွင်တော့ ရန်သူ လေယာဉ် ပျံကြီး ၏ ဘယ်ဘက် တွင် တပ်ဆင် ထားသော အင်ဂျင် နှစ်လုံး နှင့် ညာဘက် အပြင် ခြမ်း အင်ဂျင် များ စတင် မီး တောက်လောင် ချေပြီ။ သို့သော် လည်း ရန်သူ မှာ သူ့ လေယာဉ် ကို လုံးဝ မလျှော့ချ ပဲ တဖက် အိမ်နီးချင်း နိုင်ငံ နယ်နိမိတ် အတွင်း ရောက်အောင် အရှိန် ပြင်းစွာ နှင့် ဆက်လက် ပျံသန်း လို့ နေသေး သည်။

ရန်သူ ကို အလွတ် မပေး လိုသည့် ဗိုလ် ပီတာ တယောက် ရန်သူ့ လေယာဉ် ညာဘက် ခြမ်း ဆီသို့ ပျံသန်း ချဉ်းကပ် လျက် ထပ်မံ တိုက်ခိုက် ပြန်တော့ သည်။ သည် တချီ တွင်တော့ တလုံး တည်းသာ အကောင်း ပကတိ ကျန်ရှိ နေသေး သည့် ရန်သူ့ လေယာဉ် ၏ ညာ တောင်ပံ အတွင်း အင်ဂျင် လည်း စတင် ကာ မီးစွဲ လောင် လေပြီ။ အင်ဂျင် အားလုံး မီးလောင် နေပြီ ဖြစ် သော်လည်း လေယာဉ်ကြီး မှာ မြေသို့ ထိုးစိုက် ကျ မသွား သေးပဲ အရှေ့ တူရူ အရပ် သို့ ဆက်လက် ပျံသန်း လျက် ရှိနေ သေး သည်။ ထိုအခိုက် မှာပင် ဗိုလ် ပီတာ ထံမှ သူ့အား ရန်သူ့ ပစ်ခတ်မှု ခံလိုက် ရခြင်း သတင်း ပေးပို့ချက် ကို ဗိုလ်ချစ်ခိုင် တယောက် ဆက်သွယ်ရေး စက်မှ တဆင့် ကြား လိုက်ရ သည်။ သို့သော် ရန်သူ့ လေယာဉ် ထံမှ ပေါက်ကွဲ သံကြောင့် ရန်သူ အား အပြီး သတ် ချေမှုန်းရန် စိတ်အား ထက်သန် နေသော ဗိုလ်ချစ်ခိုင် မှာ ဗိုလ်ပီတာ လေယာဉ် ထံ ကြည့်ရန် အာရုံ မရ လိုက်ပဲ ရန်သူ့ လေယာဉ် ဦးခန်း ဆီသို့ ကျည်ဆန် များ တသီ တတန်း ကြီး ထပ်မံ ပစ်လွှတ် လိုက်ပြန် သည်။ သို့ရာ တွင် ထို အခေါက် သူ ပစ်သမျှ ကျည်ဆန် များ က ရည်မှန်း ချက် သို့ မရောက် ပဲ အင်ဂျင် အနောက် ဖက်ခြမ်း မှ ကိုယ်ထည် ပိုင်း ဆီ သို့သာ စုပြုံ တိုးဝှေ့ လျက် ထိမှန် သွားကြ သည်။ သည် တကြိမ် ပစ်ခတ် ရာ တွင် ဗိုလ်ချစ်ခိုင် ၏ လေယာဉ် နှင့် ရန်သူ့ လေယာဉ် မှာ ဆယ်ပေ မျှ ပင် မကွာဝေး တော့ သည့် အနေ အထား ရောက်သည် အထိ ပူးကပ် တိုက်ခိုက် မိ သဖြင့် လေယာဉ် ချင်း ဝင်ဆောင့် မည့် အန္တရာယ် ကို ရှောင်လွှဲ နိုင်ရန် အတွက် ဗိုလ်ချစ်ခိုင် မှာ သူ့လေယာဉ် ကို အပေါ် သို့ ဆွဲတင် ပျံသန်း လိုက်ရ တော့သည်။ စက္ကန့် ဝက်မျှသာ နောက်ကျ ခဲ့လျှင် ဗိုလ်ချစ်ခိုင် သည် လည်း ရန်သူ့ လေယာဉ် နှင့် တိုက်မိ ပြီး အသက် ဆုံးရှုံး ရမည် မှာ အသေ အချာ တည့်။ ထိုသို့ ရန်သူ့ လေယာဉ် နှင့် ကပ်လျက် အပေါ် မှ ပျံသန်းရင်း ဗိုလ် ချစ်ခိုင် လေယာဉ် နောက်မြီး ပိုင်း မှ ကျယ်လောင် သော အသံ တခု ထွက် လာသည်။ ရန်သူ့ ကျည်သင့် လေ သလော၊ လေယာဉ် အမြီး ပိုင်း နှင့် ရန်သူ့ လေယာဉ် တိုက်မိ လေသည် လော ဗိုလ်ချစ်ခိုင် မသိ လိုက် ရ။ လေယာဉ် ကို ထိန်းသိမ်း မောင်းနှင် နေရ သည်မှာ လေယာဉ် အမြီးပိုင်း မှ ခါ သကဲ့ သို့ ဖြစ်လို့ နေသည်။ ဗိုလ် ချစ်ခိုင် ၏ တိုက် လေယာဉ် တွင် ကျည်ဆံ လည်း ကုန် ချေပြီ။

ဆက်လက် ပျံသန်း နေသည့် ရန်သူ့ လေယာဉ် ထံ သို့ ပေတရာ ခန့် အထိ နီးကပ် အောင် ပျံသန်း ပြီးနောက် ဗိုလ်မောင်သိန်း တယောက် ဆက်လက် ပစ်ခတ် နေရင်း မှ ရန်သူ့ လေယာဉ်ကြီး သည် အမြီးပိုင်း တခုလုံး ပြုတ်ကျ သွားကာ မြေပြင် ဆီသို့ တရှိန် ထိုး ပြုတ်ကျ သွားသည် ကို မျက်ဝါး ထင်ထင် မြင်တွေ့ လိုက်ရ တော့ သည်။ ရန်သူ့ လေယာဉ်ကြီး ပျက်ကျ သွားသည့် နေရာ မှာ အိမ်နီးချင်း တဖက် နိုင်ငံ အတွင်း ပင် ဖြစ်သည်။ ပေးအပ် လိုက် သည့် တာဝန် ကို ကျေပွန်စွာ ထမ်းရွက် နိုင်ခဲ့ပြီ။ ငါး မိနစ် မျှသာ ကြာမြင့် ခဲ့သည့် ဤ လေကြောင်း တိုက်ပွဲကြီး ကို သူတို့ အောင်မြင် ခဲ့လေ ပြီ။ စစ်ပွဲ ၏ သဘော သဘာဝ အတိုင်း တိုက်ပွဲ ပြီးသည် နှင့် မိမိ တပ်ကို စနစ် တကျ ပြန်လည် စုဖွဲ့ ကာ လေယာဉ် ကွင်း ဆီသို့ ပြန်လည် ထွက်ခွာ ရန် အတွက် ရေဒီယို ဆက်သွယ် ရေး စက် မှ တဆင့် မိမိ လေယာဉ် အုပ်မှ လေ သူရဲ များ ကို ဆက်သွယ် လိုက်ချိန် တွင် ဗိုလ်ပီတာ ၏ လေယာဉ် မှ တုံ့ပြန်မှု ကို လုံးဝ မကြား ရတော့ ချေ။ ဗိုလ် ချစ်ခိုင် မောင်းနှင် သည့် လေယာဉ် မှာ လည်း တိုက်ပွဲ တွင် ထိခိုက် ပျက်စီးမှု ဖြစ်ပွား ခဲ့သဖြင့် လေယာဉ် ကွင်း ဆီသို့ အရေး ပေါ် ပြန်လည် ဆင်းသက် ရပေ တော့ မည်။ ဗိုလ်ချစ်ခိုင် တဦး တည်း ပျံသန်း ရင်းမှ လမ်းတွင် တစုံ တခု အန္တရာယ် ဖြစ်ပွား ခဲ့သော် လေယာဉ် ပျက် ကျရာ နေရာ ကို အကြောင်းကြား ပေးနိုင် မည့်သူ မရှိ နိုင်မှန်း ကို ခန့်မှန်း မိ သဖြင့် ဗိုလ် ပီတာ ၏ လေယာဉ် ကို လိုက်လံ ရှာဖွေ ခြင်း မပြု ပဲ ဗိုလ်ချစ်ခိုင် နှင့် ဗိုလ်မောင်သိန်း တို့ နှစ်ဦး ကျိုင်းတုံ မြို့ ဆီ သို့ ဦးတည် လျက် သူတို့ တိုက် လေယာဉ် များ ကို ပျံသန်း လာခဲ့ ကြ တော့ သည်။

ပင်လယ် ရေ မျက်နှာ ပြင် အထက် ပေ (၅၀၀၀) အမြင့် မှ ပျံသန်း လာခဲ့ ကြရင်း ကျိုင်းတုံ လေယာဉ် ကွင်း ရှိ လေကြောင်း ထိန်း မျှော်စင် သို့ အခြေ အနေ အကျဉ်း ချုပ် ကို ဆက်သွယ် ရေး စက်မှ တဆင့် သတင်း ပို့ကာ ကွင်းဆင်း ခွင့် တောင်းခံ လိုက်ရ တော့သည်။ ကွင်းဆင်းခွင့် ရပြီး သည် နှင့် ဗိုလ်ချစ်ခိုင် လေယာဉ် ကို ဦးစား ပေး ဆင်းသက် စေ ရတော့ သည်။ ဗိုလ် ချစ်ခိုင် လေယာဉ် မှာ လေယာဉ် နောက်မြီး အောက်ပိုင်း တခု လုံး ကြေမွ ပျက်စီး သွားသည့် အပြင် ဘီးလည်း ပြုတ်ထွက် သွားခဲ့ သဖြင့် လေယာဉ် ၀မ်းဗိုက် ဖြင့် ရှပ်ဆင်း ခဲ့ရ တော့ သည်။ လေယာဉ် အရှေ့ ဘက်ရှိ အင်ဂျင် တွင် တပ်ဆင် ထားသည့် ပန်ကာ ဒလက် လေးခ စလုံး မြေကြီး နှင့် ခုတ်မိ သဖြင့် အတွင်း ဘက် သို့ ကောက်ဝင် သွားကာ ကိုက် တရာ၊ နှစ် ရာခန့် အထိ ပွတ်တိုက် ပြေးပြီး မှ ဗိုလ်ချစ်ခိုင် လေယာဉ် မှာ ရပ်တန့် သွားလေ တော့ သည်။ သေကံ မရောက် သက် မပျောက် သဖြင့် ဗိုလ်ချစ်ခိုင် တယောက် အသက် နှင့်ခန္ဓာ ဒွန်တွဲ လျက် လေယာဉ် အတွင်းမှ ထွက်လာ နိုင်ခဲ့ပြီ ဖြစ်သော် ငြားလည်း စိတ်အေး လက်အေး မနေ နိုင် သေး။ တောင်ကြီး သား ကလေး အင်္ဂလန် ပြန် ဗိုလ် ပီတာ အတွက် သူတို့ လေတပ် စခန်း မှ စစ်သည် အားလုံး ၏ ရင်တွင် တော့ စိုးထိတ် မှု ကိုယ်စီ ဖြင့် သာ။

ဖြစ်စဉ်နိဂုံး

ပွိုင့် (၃၁၁၅) နှင့် ဝင်းမနော် စခန်း များကို တိုက်ခိုက် သိမ်းပိုက် ပြီး မိုင်းပါလျှို တွင် တပ်စွဲ ထားသော အမှတ် (၃) သေနတ်ကိုင် တပ်ရင်း သနက (၃) ထံမှ နယ်မြေ တာဝန် လွှဲပြောင်း လက်ခံ ထားသည့် တပ်မတော် ခြေမြန် တပ်ရင်း တရင်း သည် ထိုနေ့ ၏ ည (၂၀း၀၀) နာရီ တွင်တော့ တပ်ရင်း တရင်း လုံး တာချီလိတ် မြို့ သို့ အမြန် ဆုံး ချီတက် ရန် ဟူသော ကြေးနန်း ပေးပို့ ချက် တခု ကို လက်ခံ ရရှိ ခဲ့လေ တော့သည်။ တပ်ရင်း မှ တပ်ခွဲ များ ကို ကုန်းလမ်း အတိုင်း မိုင်းပါလျှို မှ တာလေ သို့ ချီတက် စေ၍ တာလေ မှ တာချီလိတ် သို့ ယာဉ်တန်း ဖြင့် ပို့ဆောင် ပေးခဲ့ သည်။ ထို တပ်ရင်း ၏ တပ်ရင်း မှုး ဒုတိယ ဗိုလ်မှူးကြီး ခင်မောင်သောင်း ကို အော်တာ လေယာဉ် ဖြင့် မိုင်းပါလျှိုး မှ တာချီလိတ် သို့ ပို့ဆောင် ပေးခဲ့ သည်။ ထို တပ်ရင်း ထမ်းဆောင် ရမည့် အဓိက တာဝန် မှာ ညနေပိုင်း တွင် ဖြစ်ပွား ခဲ့သော လေကြောင်း စစ်ပွဲ တွင် ပျက်ကျ သွားသည် ဟု ယူဆ ထား သည့် တပ်မတော် (လေ) မှ ဆီဖြူရီ တိုက် လေယာဉ် နှင့် လေ သူရဲ ဗိုလ် ပီတာ၊ ပစ်ချ ခံလိုက် ရသည့် ကျူးကျော် ဝင်ရောက် လာသော ရန်သူ့ ဗုံးကြဲ လေယာဉ် ကြီး တို့ကို ရှာဖွေ ရန်ပင် ဖြစ် လေ တော့သည်။

ဖေဖော်ဝါရီ လ (၁၆) ရက်နေ့ တွင်တော့ ထိုစဉ် က ဒုတိယ တပ်မတော် ကာကွယ်ရေး ဦးစီးချုပ် တာဝန် ထမ်းဆောင် နေသော ဗိုလ်မှူးချုပ် အောင်ကြီး ကျိုင်းတုံ မြို့သို့ ရောက် လာခဲ့ ပေပြီ။ ထိုနေ့ တွင်ပင် မြန်မာ အစိုးရ က (KMT) တရုတ်ဖြူ တို့၏ (B-24 LIBERATOR) အမျိုး အစား လေယာဉ် ကြီး တစ်စင်း ကို တရုတ်ဖြူ တပ်များ အတွက် လေကြောင်း မှ လက်နက် နှင့် ရိက္ခာ၊ ခဲယမ်း များ လာရောက် ချပေး စဉ် မြန်မာ့ လေတပ် တိုက် လေယာဉ် များ က ပစ်ချ လိုက် ကြောင်း ကြေညာ လိုက် သည်။ ထိုနေ့ တနေ့ တည်း တွင် တိုင်ပေ အခြေ ပြု (Free China Relief Association) လွတ်လပ် သော တရုတ် ပြည် ကယ်ဆယ် ရေး အသင်း အဖွဲ့ ကြေညာ ချက် တစ်ခု ထုတ်ပြန် ရာ တွင် မြန်မာ့ နယ်မြေ ပေါ်တွင် ပစ်ချ ခြင်း ခံရသော (B-24 LIBERATIOR) အမျိုး အစား လေယာဉ်ပျံ မှာ မြန်မာ နိုင်ငံ နယ်စပ် ဒေသ ရှိ တရုတ်ဖြူ စစ်ပြေး ဒုက္ခ သည်များ နှင့် ထိုင်း နိုင်ငံ အတွင်း ရောက်ရှိ နေသော တရုတ် စစ်ပြေး ဒုက္ခ သည်များ ကို သယ်ဆောင် ရေး အတွက် တရုတ်ဖြူ အစိုးရ က စင်းလုံး ငှားရမ်း ခဲ့သော လေယာဉ် ဖြစ်ကြောင်း ဖော်ပြ ခဲ့လေ သည်။ ထိုနေ့ ၏ ညနေပိုင်း အရောက် တွင်တော့ ထိုင်း နိုင်ငံ ရှိ ကောင်ဆယ်လာ ရုံး မှ ဗိုလ် ပီတာ ၏ လေယာဉ် အပျက် နှင့် ဗိုလ်ပီတာ အလောင်း ကို ထိုင်း နယ်မြေ အတွင်း တော ထဲတွင် တွေ့ရှိ ကြောင်း သတင်း ပေးပို့ ချက်ကို ရရှိ သဖြင့် ဖေဖော်ဝါရီ (၁၇) ရက် တွင် ဗိုလ်မှူးကြီး သူရ တင်မောင်အေး အပါ အဝင် ရှေ့တန်း တပ်မဟာ (၉) မှ အဖွဲ့ တစ်ဖွဲ့ လေယာဉ် ပျက်ကျ သည့် နေရာ သို့ ထွက်ခွာ ခဲ့ကြ သည်။ သတင်း ရထား သည့် မြေပုံညွှန်း အရောက် တွင် ရှေ့ပိုင်း တစ်ခု လုံး မီးလောင် ၍ ခါးလယ် မှ ကျိုးသွား သည့် လေသူရဲ ဗိုလ် ပီတာ ၏ တိုက် လေယာဉ် ကို တွေ့ရှိ ရတော့ သည်။ လေယာဉ် ပျံ သည် ရန်သူ လေယာဉ် မှ ပစ်ခတ် လိုက်သော ကျည် ထိမှန် ပြီး မြေပြင် ပေါ်သို့ အရှိန် ပြင်းစွာ ဖြင့် ရှပ်ဆင်း သွားသည့် စွတ်ကြောင်း ကြီး တွေ့ရှိ ရပြီး ဗိုလ် ပီတာ ၏ အလောင်း ကိုမူ ကျိုးပဲ့ နေသော လေယာဉ်ပျံ ၏ အတောင် တစ်ခု ပေါ်တွင် တင်ထား သည်ကို တွေ့ရှိ ရသည်။ လေယာဉ် ကိုယ်ထည် တွင် ဒသမ ၅ မမ ကျည် တစ်ချက် မှန် ထားပြီး ထို ကျည်ဆန် က ဗိုလ်ပီတာ ကိုပါ ထိမှန် ကာ ၎င်း ၏ နံရိုး ငါးချောင်း ကျိုးသွား သည် ကို စစ်ဆေး တွေ့ရှိ ရသည်။ ထို မြင်ကွင်း တစ်ခု လုံးကို လေ့လာ ဆန်းစစ် ချက် အရ လေယာဉ် ကို စစ်ဆေး သူ အားလုံးက လေယာဉ် သည် မြေပြင် သို့ ကောင်းမွန် စွာ ထိန်းကျောင်း ပြီး ဆင်းသက် လာသည့် သဘော တွေ့ရ သည့် အတွက် ဤမျှ ပြင်းထန် သော ဒဏ်ရာ ဖြင့် လေယာဉ်ပျံ ကို နိုင်နင်း စွာ ထိန်းကျောင်း သက်ဆင်း ခဲ့သူ ဗိုလ်ပီတာ ၏ သက်လုံ ကောင်းမှု၊ သတ္တိ ရှိမှု၊ သတိ ကောင်း မွန်မှု များကို အံ့သြ ချီးမွမ်း ခဲ့ကြ သည်။

ထို လေယာဉ် ပျံကြီး ပစ်ချ ခြင်း ခံခဲ့ ရပြီး နောက် ရက်များ မကြာမီ ထို ကိစ္စ နှင့် ပတ်သက်ပြီး အခြေ အနေ မှာ ပိုမို ဆိုးဝါး ပြင်းထန် လာပြီး ထို စစ်ဆင် ရေး ဒေသ တွင် ဖမ်းဆီး ရမိသော လက်နက် များ မှာ (KMT) တရုတ်ဖြူ များ ထံသို့ ပေးပို့ ခဲ့သော အင်အားကြီး နိုင်ငံ တ နိုင်ငံ မှ ထုတ်လုပ် သည့် လက်နက် ခဲယမ်း များသာ ဖြစ်ကြောင်း မြန်မာ့ သတင်း မီဒီယာ များက သက်သေ အထောက် အထား များနှင့် ဖော်ပြ လိုက် သည်။ ဖေဖော် ဝါရီ (၁၈) ရက် တွင် မန္တလေး မြို့ရှိ ထို အင်အားကြီး နိုင်ငံ ၏ ကောင် စစ်ဝန် ရုံး ရှေ့တွင် ဆန္ဒ ပြ ကန့်ကွက် မှု များ စတင် ဖြစ်ပွား ခဲ့ပါ တော့ သည်။ ထို့ အတူ ဖေဖော်ဝါရီ (၂၁) ရက် တွင် ရန်ကုန် မြို့၌ လူထု အင်အား (၁ဝဝဝဝ) ခန့် စုရုံး ၍ ကန့်ကွက် ကြ ကြောင်း မြန်မာ့ သတင်း မီဒီယာ များ၏ ရှေ့ မျက်နှာ စာခေါင်းစီး များတွင် ဖော်ပြ ခဲ့ ပါသည်။ ထို သတင်း များ တွင် ဆက်လက် ဖော်ပြ ခဲ့ရာ ၌ ဆန္ဒ ပြ သူ လူထုကြီး မှာ သံရုံး ကို ဝင်ရောက် စီးနင်း တိုက်ခိုက် ရန် ကြိုးပမ်း ကြ သဖြင့် လုံခြုံ ရေး တပ်ဖွဲ့ ဝင်များ က မောင်းပြန် သေနတ် များ ကို မိုးပေါ် ထောင်ဖောက် ၍ လူစုခွဲ ခဲ့ ရကြောင်း၊ ထို ဆန္ဒ ပြပွဲ တွင် လူပေါင်း ၄ဝ ခန့် နှင့် ရဲ တပ်ဖွဲ့ သုံးယောက် ပြင်းထန် စွာ ဒဏ်ရာ ရရှိ ခဲ့ကြောင်း ဖော်ပြ ခဲ့သည်။

ထို့ကြောင့် အမေရိကန် အစိုးရ နိုင်ငံခြား ရေး ဌာန က ရန်ကုန် ရှိ စစ်သံမှူး ကို ကျိုင်းတုံ သို့ စေလွှတ် ခဲ့ပြီး စစ်ဆေး ခဲ့သည်။ ထို အရာရှိ များ က (KMT) ထံ မှ ဖမ်းဆီး ရမိ သော လက်နက် ခဲယမ်း များ ကို စစ်ဆေး ခဲ့ရာ အမေရိကန် လုပ် အမှတ် အသား များ ပါရှိ ကြောင်း တွေ့ရှိ ခဲ့ပြီး အချို့ မှာ ဒုတိယ ကမ္ဘာစစ် အတွင်း က အသုံးပြု ခဲ့သော လက်နက် ဟောင်း များ ဖြစ်ကြ ကြောင်း၊ တွေ့ရှိ ရသော လက်နက် အားလုံး အမေရိကန် လုပ် လက်နက် များ မဟုတ် သော်လည်း ယတိပြတ် ပြောရန် ခက်ခဲ ကြောင်း အမေရိကန် တို့က ဖော်ပြ ခဲ့ပါသည်။ ဖေဖော်ဝါရီ ၂၄ ရက် တွင် အမေရိကန် သတင်း ထုတ်ပြန် ရေး ဌာန က ထုတ်ပြန် ခဲ့ရာ မြန်မာ့ လေတပ် က ပစ်ချ ခဲ့သော လေယာဉ် ပျံ အမျိုး အစား မှာ PB4Y- ရေတပ် သုံး ခရီး ဝေး ပျံသန်း နိုင်သော (Liberator) အမျိုး အစား သယ်ယူ ပို့ဆောင် ရေး နှင့် ဗုံးကြဲ လေယာဉ် ဖြစ်ပြီး ထို လေယာဉ် မှာ တရုတ် (တိုင်ပေ) မှ မြန်မာ ပြည် အထိ ခရီး ဝေး ပျံသန်း နိုင်စွမ်း ရှိကြောင်း ဖော်ပြ ခဲ့ ပါသည်။ အဆိုပါ ကိစ္စ ကြောင့် ကုလ သမဂ္ဂ တွင် တရုတ်ဖြူ ကျူးကျော် မှု ကို တရားဝင် တိုင်တန်း ပြီး အင်အား ကြီး နိုင်ငံ တခု ၏ ပါဝင် ပတ်သက်မှု ကို မီးမောင်း ထိုးပြ နိုင် ခဲ့သည်။

ထို့နောက် မြန်မာ ပြည် ရှိ (KMT) တရုတ်ဖြူ ပြဿနာ မှာ ကုလ သမဂ္ဂ သို့တိုင် ရောက်ရှိ သွားပြီး နောက် ကုလ သမဂ္ဂ အစီအစဉ် ဖြင့် ဗန်ကောက် မြို့ တွင် လေး နိုင်ငံ စစ်ဘက် ကိုယ်စား လှယ်များ မျက်နှာ စုံညီ ထိုင်၍ တရုတ် ဖြူ တပ်ကြွင်း တပ်ကျန် များ မြန်မာ နိုင်ငံမှ အပြီး အပိုင် ထွက်ခွာရေး ကို ဆွေးနွေး ဆုံးဖြတ် ခဲ့ ကြ သည်။ စောစော ပိုင်း က (KMT) တရုတ်ဖြူ များ ကိစ္စ နှင့် ပတ်သက် ပြီး သတင်း မီဒီယာ လောက တွင် သတိ မမူမိ ကြ ဟန် တူပါ သည်။ ထို လေကြောင်း တိုက်ခိုက်မှု ဖြစ်ပွားပြီး နောက်မှ ကမ္ဘာက စိတ်ဝင်စားကာ သိရှိလာခဲ့ခြင်း ဖြစ်သည်။ ထိုနှစ် အတွင်း မှာပင် (KMT) တရုတ် ဖြူ များ ကိစ္စ နှင့် ပတ်သက်ပြီး ကမ္ဘာ့ သတင်း မီဒီယာ လောက တွင် သတိပြု ကာ သတင်းစာ များ တွင် ရေးလာ ကြ သည်။ ထို လေကြောင်း တိုက်ခိုက် မှု ဖြစ်ပွား ပြီး နောက်တွင် မှ ကမ္ဘာ က စိတ်ဝင်စား ကာ သိရှိ လာ ခဲ့ခြင်း ဖြစ်သည် ဟု ယူဆ ရသည်။ ထိုနှစ် အတွင်း မှာ ပင် (KMT) တပ်ဖွဲ့ ဝင်များ ရှမ်း ပြည်နယ် တောင်တန်း ဒေသ များ ပေါ်တွင် နေရာ အနှံ့ ဖြန့်ကြက် တပ်စွဲ ထားရာ မှ တဖြည်းဖြည်း ရုပ်သိမ်း ခဲ့သဖြင့် ရွှေ တြိဂံ နယ်မြေ တောင်တန်း များ ပေါ်က စစ်ရေး လှုပ်ရှား မှုများ လည်း နိဂုံး ချုပ် ခဲ့ရ သည်။

ထို ဖြစ်စဉ် ကြောင့် မြန်မာ နိုင်ငံ ၏ နယ်နိမိတ် အတွင်း ကျူးကျော် ဝင်ရောက် နေရာ ယူထား သည့် တရုတ် ဖြူတပ် များ အား မြန်မာ့ အချုပ် အခြာ ပိုင် မြေ ပေါ်မှ ဖယ်ရှား နိုင်ခဲ့ ခြင်း ကြောင့် အထက် ဖော်ပြပါ လေကြောင်း တိုက်ခိုက် မှု အတွင်း အသက် ကို ပဓါန မထား ပဲ စွန့်လွှတ် စွန့်စား ခဲ့ကြ သည့် တိုက် လေယာဉ် အုပ် ခေါင်းဆောင် ဗိုလ် မောင်သိန်း ( ပြန်တမ်းဝင် အမှတ် လေ / ၁၂၀၁)၊ ဗိုလ် ချစ်ခိုင်( ပြန်တမ်း ဝင် အမှတ် လေ/၁၂၁၆) နှင့် ဒုတိယ ဗိုလ် ပီတာ (လေ/၁၂၉၂) (ကျဆုံး) တို့ အား နိုင်ငံတော် မှ “သူရ ဘွဲ့” ကို ချီးမြှင့် လျက် ထိုက်တန် စွာ ဂုဏ်ပြု ခဲ့လေ သည်။ နိုင်ငံ၊ လူမျိုး၊ အချုပ် အခြာ အာဏာ နှင့် ပိုင်နက် နယ်မြေ အတွက် သက်စွန့် ကြိုးပမ်း ထမ်းဆောင် ရင်း အသက် စွန့်လွှတ် သွားခဲ့ ရရှာ သည့် အသက်(၂၆) နှစ် အရွယ်၊ ဒုတိယ ဗိုလ် ပီတာ ၏ ဂုဏ် သတင်း ကား မြန်မာ ပြည်တွင်း ၌ သာလျှင် မကပဲ ကမ္ဘာ က ပင်လျှင် ချီးကျူး ဂုဏ်တင် ခဲ့ ခြင်း ကို ထိုခေတ်၊ ထိုကာလ က ထုတ်ဝေ ခဲ့သော “The Times” စာစောင် တွင် အောက်ပါ အတိုင်း တွေ့ မြင်ရ ပေသည်။

"Farewell to A HERO Pilot Noel Peters, 26-year old son of Mr. and Mrs. Peters, who died in action in an air engagement with a KMT supply plane on Feb 15, 1961. Leaving the university in 1953, Pilot Peters was admitted into the Burma Air Force (BAF) as a Hatton apprentice, and proceeded to England of that year for training with the Royal Air Force (RAF). He passed all subjects with flying colours and was awarded the Robinson gold medal for having stood first in the written examinations. He won his wings in the BAF in July 1959 and posted to the BAF no.501 Wing at Hmawbi. He was promoted pilot on Jan 25, 1960. Pilot Peters will be buried tomorrow (Tuesday) at the Dahnyingon Military Cemetery, following services at the Mingalardon Roman Catholic Church. Credited to uncle Richard Aung Myint, DSA 1st batch, BAF-1271 15th Feb 1961 The Hawker Sea Fury (Burma AF-UB 466), piloted by Noel Peters, was intercepting a CNAF P4Y-2 privateer which was dropping supplies to KMT forces in Northern, Burma. Peters shot down the P4Y-2 but was hit by return fire and crashed, losing his life." “The Times” Press Report

ယနေ့ မျက်မှောက် ခေတ် ကာလ တွင်လည်း တပ်မတော် စစ် သမိုင်း ပြတိုက် အတွင်း ရှိ တပ်မတော် (လေ) ပြခန်း အတွင်း ဝယ် အနာဂတ် မြန်မာ နိုင်ငံသား များ အတွက် အသက် ပေးလှူ သွားခဲ့ လေသော လေ သူရဲ အရာရှိငယ် ဒုတိယ ဗိုလ် ပီတာ အား အမှတ်ရ စိမ့် သောငှာ အတိတ် ကာလ ဆီမှ လေကြောင်း စီးချင်း ထိုးပွဲ ပုံစံ တူ ရုပ်ပုံ များ ပြုလုပ် ခင်းကျင်း ပြသ ထားရှိ ပေ သည်။ အချိန် နှင့် အမျှ သမိုင်း မှတ်တိုင် များ ကုန်ဆုံး ကျော်လွန် ခဲ့သော် လည်း ဒညင်း ကုန်း မြို့နယ် အတွင်း ရှိ တပ်မတော် စစ် သချိုင်း တနေရာ တွင် အေးချမ်း စွာ အိပ်စက် အနား ယူ နေသော လေသူရဲ ဗိုလ် ပီတာ ၏ သမိုင်း မှတ်တမ်း သည်ကား ဤ နိုင်ငံ၊ ဤ ပြည်ထောင်စု၊ ကမ္ဘာ ပေါ်မှ မပျောက် ကွယ် သေး သရွေ့ ထာဝရ တည်တံ့ နေမည်သာ ဖြစ်ပေ တော့ သည်။ တိုင်း ပြည်၊ နိုင်ငံ၊ လူမျိုး၊ အချုပ် အခြာ အာဏာ၊ အမျိုး၊ ဘာသာ၊ သာသနာ အတွက် ခေတ် အဆက်ဆက် တွင် ရွပ်ရွပ် ချွံချွံ တာဝန် ထမ်းဆောင် ရင်း ကျဆုံး ကွယ်လွန် သွားကြ သော စစ်သည် ရဲမက် များ အားလုံး ကောင်းရာ ဘုံဘဝ သို့ ရောက်ရှိ နိုင်ကြ ပါစေ။

ကိုးကား သော စာအုပ် စာတမ်း များ
၁။ တပ်မတော် (လေ) သမိုင်း
၂။ ကိုကိုအေး - နမ့်တိန် ချောင်း မှ သည် မဲခေါင်သို့
၃။ တပ်မတော် မော်ကွန်းတိုက် မှတ်တမ်း များ
၎။ (၁၉၆၁) ခုနှစ်၊ ဖေဖော်ဝါရီ လထုတ် “The Times” စာစောင်